Lexemo co stupor n’articolo vegnudo fora sora el quotidian “Il Messaggero” che’l dipinxe i tusi Veneti come on branco de ignoranti e gnà boni de parlar.
On dubio ne sorje spontaneo: no xe che i ghe stà forsatamente insegnando na lengoa sbajada e che no xe la lori. Dopo 50 ani che lo stato talian gà imposto la lengoa taliana a scola, neji ufici e in tv i credea de aver debelà el teribile virus ciamado Lengoa Veneta: la lengoa mare dei veneti. Ancuò graxie a lo svilupo de internet e de le nove tecnologie , libare da vincoli lengoisteghi, el veneto se stà riciapando e difondendo.
I video in Veneto sora el tubo xe i pi difusi e sora facebook i grupi doe se parla in Veneto xe on mucio.
A lo stato no resta che tentar de arginar la question parando ne le nostre scole insegnanti taliani che no i conose gninte del Veneto e i punise severamente i tusi che i parla in veneto.
I scolari, abituadi a paciolar veneto tra de lori e in casa i se cata in dificoltà e i se sente mortificadi e umiliadi.
Xe ora de dir basta. Xe ora che ne le scole venete ghe sipia insegnanti de nasionalità veneta e no pajasi vegnudi co lauree pompade a ciavarne el laoro e plajar la nostra xoventù.
Xe ora che se insegni el Veneto, dimexando le ore de talian, lengoa ormai inutile, potensiando la lengoa inglese.
Scondarse drio inutili scuse no ga pi senso. Ghemo on mucio de libri de leteratura veneta, 1100 ani de Stato Veneto doe se parlava veneto, gà lasà on segno profondo.
Xe ora de svejarse e reajir ai soprusi.
Ai Baschi, Catalani e Bretoni a scola i ghe insegna la loro lengoa parchè a nialtri no?
Tusi reagè! Par la nostra Patria! Par nialtri e par la nostra identità!

Questi sono i dati veri, non le chiacchere da osteria dei giornalisti italioti  [premi qui]

Giacomo Mirto
Portavoxe Xoventù Independentista
www.xoventu.org / info@xoventu.org