El prosimo evento, organixà da Raixe Venete, par tornar a rispolvarar le nostre origini, par tornar indrio ne la storia e par star in compagnia con tanta bela xente el sarà sabo 25 de febraro 2012, a Schio (Vi).
In sto evento se riscoverxerà el capodano Veneto o ciamar marso, dove che se festejerà insieme l’inisio de on novo ano veneto, difati se vardemo la storia, da sempre la Republica Serenisima la festejava l’inisio del novo ano l’1 de marso, faxendo si che el mexe de setembre el xera el setimo mexe, otobre l’otavo, novembre el nono, e quindi el ciclo de l’ano el nava drio al ciclo naturale de le stajon.
El ritrovo par sto ritorno al pasà el sarà a le ore 19.30 davanti al locale HOLLYWOOD de Schio, durante la serata, come de consuetudine ghe sarà vari intratenimenti e xughi de compagnia, el tuto condio co un menù che rispeta la tradision de la cuxina vixentina.
Par informasion:
347/9267632 (Stefano Danieli)
E-mail: stefanoxoventu@gmail.com (Stefano)
Danieli Stefano
Portavose Xoventù Independentista
